結婚

昨晚，家裏就「結婚」一事起了激烈的爭論。

佢有無諗清楚呀？諗住買樓？……
你都傻架，咁如果要買到樓先結婚，咁呢個世界咪有好多人唔駛結婚？……
有番咁上下，咁結婚預料中事啫，唔結婚你先驚……
「男大當婚，女大當嫁」，嘗試站在女方的角度睇，都係時候啦……
佢又唔事先同我講下先，無啦啦兩個一齊走黎同我講……
你成日都叫人等多幾年先，幾年又幾年，聽你講唔駛結婚啦……
拿，結左婚，咪無人同大家爭廁所用，你又可以換樓喎……
如果佢搵你同你講呢件事，你會點同佢講？
無可能！
如果真係呢？
我會呀，同佢講，不如我地兩對一齊結囉 (我心想：其實我都想結婚)！咁到時就無得反對架啦！

歸家途中，心中充滿著一份莫名的喜悅。

這份喜悅，除了是因為晚上的激烈討論題目外，還有對祂的安排實在驚喜非常。

回望這八個月，才驚覺原來自己有了如斯的改變，但這一切的改變卻是出於祂。

若不是祂的感召，他不會在這個時候回來；
若不是祂的感動，我不會懷著好奇和關切的心一步一步走近他；
若不是祂的安排，我相信那天晚上會在那裏出現；
若不是祂的委派，我不會在那個時刻接了電話，更不會在那個地方停下來。

一切一切，在車上再次回味。

原來，有些事情要親自經歷過才會明白當中的感受。

祂似乎想教曉我一個道理，在愛之前，先學習如何被愛。

八個月前，我從沒想過會遇到這一問題，也不希望會有這問題發生；
但八個月後的今天，我反而渴望在這問題上，盡一點綿力，作精神支持也好、安慰也好、作鼓勵也好，只希望他倆為自己的幸福力爭到底。

因為，真愛是不能用金錢來衡量的，也不能受封建思想所壓倒。