新問題

我是一個非常喜歡問問題的人，經常重複問哲學家一些搞笑問題，例如：

如果滿分是十分，你有多想念我？
如果滿分是十分，你有多愛我？
如果滿分是十分，你覺得我今天穿得有多好？
如果滿分是十分，你覺得這個西瓜有多甜？
如果有一天我死了，你會怎樣？
如果去旅行地震，怎麼辦？
如果……

基本上，大部分問題都是一些假設性問題。

不過，這兩天我有了一個新問題：

假如有一天你打開報紙，才知道我原來很不幸地遇上了嚴重車禍或其他意外，現身在醫院進行手術，情況危殆，未度過危險期，隨時有死亡的可能，那麼，你會有甚麼反應和感受？/你會怎麼辦？

就這個問題，我問了身邊不同的人：

認識了三年的龜妹妹很冷靜地說：「下，我會首先好驚訝，因為有一個我識o既人上左報紙，然後，我會諗下點樣搵你，再去探你囉！」

某位團友說：「下……(想了一會) 嗯, 我諗我會驚，可能都唔知點架，不過定過神後會通知其他團友一齊祈禱囉，同埋我會搵你囉」
我續說：「都話危殆，你點搵我呀？」
團友續答：「無架，試下搵囉，搵到的話會去探下你卦。」

我的一位學生說：「下，我會好驚，嗯……然後睇下會唔會八到料，知你係邊然後去睇下你囉。」

炮台山說：「嘩，個下我會即刻打比黃同學林同學佢地，問下知唔知呢件事，然後去醫院搵你，不過我可能會好唔開心同好驚架……」
我再問：「如果我最後真係傷重不治呢？」
她答：「我會喊，喊到死……」

好了，到哲學家要答問題了：

哲學家第一個反應：「下，你又問呢d 問題？」
我說：「咩呀，新問題黎架，快d 答啦。」
哲學家：「咪會衝去醫院搵你囉。」
我：「我都話係危殆，點搵我呀。」
哲學家：「點解搵唔到呀？實會搵到架。」
我：「哦。無喇？咁會有咩感受架？」
哲學家：「擔心囉。」
我：「咁即係點呀？擔心啲乜？具體少少啦。」
哲學家：「擔心囉，如果講得出黎就唔叫擔心啦。」
我：「咁如果我最後傷重不治，死左，咁你會點呀？」
哲學家：「你又問呢個問題？」
我：「咩喎，今次處境唔同呀，快啲答我啦。」
哲學家：「會喊囉。」
我：「下？你唔係唔識喊架咩？」
哲學家：「咁我咪為你喊囉。」
我：「仲有呢？無喇？」
哲學家：「咁我又係係個個環境，點知呀？」

其實，這不完全是一個假設性問題。這道題目的靈感是來自昨天的一則新聞報道──一個奧馬義工在前往火炭參與培訓課程途中，不幸被一輛小巴撞倒，頭部受重創，多處出現骨折，情況危殆，未過危險期。

我非常驚訝，因為肇事者正是我的中學同學！那位同學是我在預科時認識的，那時經常在一起，雖然大家後來升上了同一大學同一學系，但由於修讀科目不同的關係，早已跟她失去聯絡。然而，她確實是一位既漂亮純真，又待人友善，外表既斯文，內心又善良的同學。

今天，再看報紙，才得悉她最後傷重不治，內心頓時起了一陣漣漪，畢竟也會為此而感到難過和惋惜。

唉，「生有時，死有時」。

我相信，這個問題確實值得人們深思。